.jpg)
ಯೇ ಮನಾ -2007
ಕೊಂಕ್ಣಿ ಸಂಗೀತ್ ಪ್ರೇಮಿಂ ಥಂಯ್ ಚಡ್ ಕರ್ನ್ ಯುವಜಣಾಂ ಥಂಯ್ ಸಂಚಲನ್ ಹಾಡಯಿಲ್ಲಿ ‘ಯೇ ಮನಾ’ ಸಿಡಿ ಲೊಯ್ಡ್ ರೇಗೊ ಆನಿ ರೋಶನ್ ಡಿಸೋಜ ಆನಿ ಎಡೊಲ್ಫ್ ಜಯತಿಲಕ್ ಹಾಂಚ್ಯಾ ತಾಲೆಂತಾಕ್ ಆರ್ಸೊ ಧರ್ತಾ. ನಾಮ್ಣೆಚೊ ಗಾವ್ಪಿ ಜಾವ್ನಾಸ್ಚ್ಯಾ ಎಡೊಲ್ಪ್ ಜಯತಿಲಕ್ ಹಾಣೆಂ ಎಕ್ಲ್ಯಾನ್ಚ್ ಹಾಂತ್ಲಿಂ ಸರ್ವ್ 10 ಪದಾಂ ಗಾಯಿಲ್ಲಿಂ ಆಸುನ್ ಹ್ಯಾ ಪ್ರಕಾರಾಚಿ ಕೊಂಕ್ಣಿಂತ್ಲಿ ಪಯ್ಲಿ ಸಿಡಿ ಮ್ಹಳ್ಳಿ ಖ್ಯಾತಿ ಜೊಡ್ತಾ.
ಹಾಂತ್ಲೆಂ ‘ಲವ್ಲೀನಾ’ ಖುದ್ ಎಡೊಲ್ಫಾನ್ ಬರವ್ನ್ ಸಂಗೀತ್ ರಚ್ಲಾಂ. ಹೆರ್ 9 ಪದಾಂಚಿಂ ಉತ್ರಾಂ ಲೊಯ್ಡ್ ರೇಗೊಚಿಂ. ‘ಹರ್ಶೆಂ ಕೆನ್ನಾಯ್’ ಪದಾಕ್ ಲೊಯ್ಡ್ ರೇಗೊನ್ ಸಂಗೀತ್ ರಚ್ಲಾಂ. ’ಯೋರೇ ಪಾವ್ಸಾ’ ಪದಾಕ್ ರೋಶನ್ ಆನಿ ಲೊಯ್ಡ್ ಹಾಂಣಿ ಸಂಗೀತ್ ದಿಲಾಂ ತರ್ ಹೆರ್ ಪದಾಂಕ್ ರೋಶನ್ ಡಿಸೋಜ ಹಾಣೆಂ ಸಂಗೀತ್ ರಚ್ಲಾಂ. ತುಂ ಯೇ, ವ್ಹಳೂ ವ್ಹಳೂ, ಯೋರೇ ಪಾವ್ಸಾ, ಕೆನ್ನಾ ಕೆನ್ನಾ, ತುಕಾ ಚಿಂತ್ತಾನಾ, ಡಿಂಗಿರಿ ಡಿಂಗ ಅಸಲಿಂ ಸುಪರ್ ಹಿಟ್ ಪದಾಂ ಆಟಾಪ್ಚ್ಯಾ ಹ್ಯಾ ಸಿಡಿ ಖಾತಿರ್ ದೇಶ್ ವಿದೇಶಾಂತ್ಲ್ಯಾ ಹಜಾರೊಂ ಅಭಿಮಾನಿಂ ಥಾವ್ನ್, ಸಂಗೀತ್ ಗಾರಾಂ ಥಾವ್ನ್ ಹೊಗ್ಳಿಕ್ ಲಾಭ್ಲ್ಯಾ.
ಆಲ್ಬಮ್ ಮೆಕ್ಳಿಕ್ ಜಾಲ್ಲ್ಯಾ ಥೊಡ್ಯಾಚ್ ದಿಸಾಂನಿ ಕೊಂಕಣ್ ಕೊಗುಳ್ ವಿಲ್ಫಿ ರೆಬಿಂಬಸ್ ಹಾಣೆಂ ತೆಗಾಂಯ್ಕಿ ಫೊನಾಂ ಕರ್ನ್ ವಿಶೇಸ್ ಹೊಗ್ಳಿಕ್ ಪಾಟಯಿಲ್ಲಿ. ವಿಶ್ವ್ ಕೊಂಕ್ಣಿ ಕಲಾರತ್ನ್ ಎರಿಕ್ ಒಝೇರಾನ್ ಖುದ್ದ್ ಮೆಳುನ್ ಶಾಬಾಸ್ಕಿ ಪಾಟಯಿಲ್ಲಿ ಮಾತ್ರ್ ನ್ಹಯ್ ವೆಗಿಂಚ್ ಕಲಾಂಗಣಾಂತ್ ’ಯೇ ಮನಾ’ ಸಂಗೀತ್ ಸಾಂಜ್ ಮಾಂಡುನ್ ಹಾಡುಂಕ್ ಆವ್ಕಾಸ್ ರಚುನ್ ದಿಲೊ.
ವಿಶಿಶ್ಟ್ ರಿತಿಚಿ ಸಂಗೀತ್ ಸಜೊವ್ಣಿ ರೋಶನ್ ಆಂಜೆಲೊರ್ ಹಾಚಿ. ನಾಮ್ಣೆಚೆ ಸಂಗೀತ್ಗಾರ್ ಆಲ್ವಿನ್ ಫೆರ್ನಾಂಡಿಸ್, ಜೋಸಿ ಜೋನ್, ತಿಯೋ ಆಲ್ವಾರಿಸ್, ಸಾಜು, ಮಣಿಕಂಟನ್, ರಿಜ್ವಾನ್ ತಶೆಂ ಹೆರಾಂನಿ ಆಪುರ್ಬಾಯೆಚೆಂ ಸಂಗೀತ್ ದಿಲಾಂ. ಸಂದೇಶ ಸ್ಟುಡಿಯೊಂತ್ ಆಶಿತ್ ಪಿಂಟೊ ಹಾಣೆ ರೆಕೊರ್ಡಿಂಗ್ ಆನಿ ಮಿಕ್ಸಿಂಗ್-ಮಾಸ್ಟರಿಂಗ್ ಕೆಲಾಂ.
.jpg)
