.jpg)
ಸಪ್ಣಾಂ (2001) :
ಲೊಯ್ಡ್ ರೇಗೊ ನ್ ಆಪ್ಲೆ 21 ವರ್ಸಾಂಚೆ ಪ್ರಾಯೆರ್ ಉಜ್ವಾಡಾಕ್ ಹಾಡ್ಲ್ಲೊ ತಾಚೊ ಪಯ್ಲೊ ಸಂಗೀತ್ ಆಲ್ಬಮ್. ಆಪ್ಣೆಂಚ್ ತಾಳೆ ಬಸೊವ್ನ್ ಘಡ್ಲೆಲ್ಯಾ 8 ಪದಾಂ ಸವೆಂ ‘ಮಾಂಡ್ ಸೊಭಾಣ್’ ಖಾತಿರ್ ಎರಿಕ್ ಒಝೇರ್ ಹಾಣೆ ಲೊಯ್ಡಾಚ್ಯಾ ಉತ್ರಾಂಕ್ ತಾಳೊ ಬಸೊವ್ನ್ ಘಡ್ಲೆಲಿಂ 4 ಪದಾಂ ಅಶೆಂ ಒಟ್ಟುಕ್ 12 ಪದಾಂ ಹೊ ಸಂಗೀತ್ ಆಲ್ಬಮ್ ಆಟಾಪ್ತಾ. ತವಳ್ಚ್ಯಾ ಕಾಳಾರ್ ಕೊಂಕ್ಣಿ ಸಂಗೀತ್ ಶೆತಾಂತ್ ಬದ್ಲವಣೆಚೆಂ ವಾರೆಂ ಹಾಡ್ಲೊಲೊ ‘ಸಪ್ಣಾಂ’ ಆಲ್ಬಮ್ ವಿಕ್ರ್ಯಾಂತ್ ಪಾಸುನ್ ದಾಕ್ಲೊ ರಚುಂಕ್ ಪಾವ್ಲೊ. ‘ಅಶಿಂ ಸಪ್ಣಾಂ ಅಶಿ ಜೀಣ್,’ ‘ಭಾಂಗಾರ್ ತುಂ ಮ್ಹಜೆಂ’, ‘ಡಾಯ್ನಾ’, ‘ಆಬೊಲ್ಯಾ’, ‘ದೇವ್ ಬರೆಂ ಕರುಂ’, ‘ಶೆಂಬರ್ ಯಾದಿ’ ಅಶೆಂ ಎಕಾ ಪ್ರಾಸ್ ಏಕ್ ಊಂಚ್ ಪದ್ ಹಾಂತುಂ ಆಸಾ.
ಜೊಯೆಲ್ ಪಿರೇರಿಚೆಂ ಆಮೊಲಿಕ್ ಸಂಗೀತ್ ಹ್ಯಾ ಆಲ್ಬಮಾಕ್ ಗಿರೆಸ್ತ್ ಕರ್ಚ್ಯಾಂತ್ ಮುಕೆಲ್ ಕಾರಣ್. ತಾಚೆಸವೆಂ ಮುರಳೀದರ್ ಕಾಮತ್, ಮೆಲ್ವಿನ್ ಫೆರ್ನಾಂಡಿಸ್, ಆಶಿತ್ ಪಿಂಟೊ, ರೋಶನ್ ಕ್ರಾಸ್ತಾ, ತಿಯೋ, ಯಶ್ವಂತ್, ಸಾಜು, ಮಣಿಕಂಟನ್ ಹಾಂಣಿ ಸಂಗೀತ್ ಸಾಂಗಾತ್ ದಿಲಾ. ಎರಿಕ್ -ಜೊಯ್ಸ್ ಒಝೇರ್, ಮೆಲ್ವಿನ್ ಪೆರಿಸ್, ಕ್ಲೊಡ್ ಸೊಜ್, ಎಡೊಲ್ಫ್ ಜಯತಿಲಕ್, ಡೊ. ಪ್ರಶಾಂತ್ ರಾಜ್, ಅನಿತಾ ಡಿಸೋಜ, ಐವಿ ಡಿಸೋಜ ಅಸಲ್ಯಾ ಪ್ರಬುದ್ದ್ ಗಾವ್ಪ್ಯಾಂ ಸವೆಂ ಮರಾಠಿ ತಶೆಂ ಹಿಂದಿ ಸಂಗೀತ್ ಶೆತಾಂತ್ಲೊ ನಾಂವಾಡ್ದಿಕ್ ಗಾವ್ಪಿ-ಸಂಗೀತ್ಗಾರ್ ಸುರೇಶ್ ವಾಡ್ಕರ್ ಹಾಚೆಂ ಗಾಯಾನ್ ಕೊವ್ಳೆಂತ್ ಥಿಕಾಬರಿಂ ಸೊಭ್ತಾ.
ಹ್ಯಾ ಕೊವ್ಳೆಚೆ ಪರ್ಗಟ್ಣೆಕ್ ತವಳ್ ಚೊ ಕಾಣಿಕ್ ಸಂಪಾದಾಕ್ ಮಾವ್ರಿಸ್ ಶಾಂತಿಪುರ, ಸಾಹಿತಿ ಮಿಕ್ ಮ್ಯಾಕ್ಸ್, ಮೆಲ್ವಿನ್ ಮಥಾಯಸ್ ಹಾಂಣಿ ಸಾಂಗಾತ್ ದಿಲಾ. ಜೇಮ್ಸ್ ಮೆಂಡೊನ್ಸಾ, ಫ್ರಾನ್ಸಿಸ್ ರಸ್ಕೀನ್ಹ, ಫೆಲಿಕ್ಸ್ ಲೋಬೊ, ಆಸ್ಟಿನ್ ಪ್ರಭು, ವಿನ್ಸೆಂಟ್ ಅಲ್ಮೇಡಾ, ಮ್ಯಾಕ್ಸ್ ರಸ್ಕೀನ್ಹ, ಕಿಶೂ ಬಾರ್ಕುರ್, ರಿಚರ್ಡ್ ಮೊರಾಸ್, ಆಂಟನಿ ಆಲ್ಮೇಡಾ ಅಶೆಂ ಸಬಾರ್ ದಾನಿಂನಿ ಬರೆಂ ಮನ್ ದಾಕಯ್ಲಾಂ. ಗೊಂಯಾಂ ತಶೆಂ ಮುಂಬಯಿಂತ್ ರೆಕೊರ್ಡಿಂಗ್ ಜಾಲ್ಲಿ ಹಿ ಕೊವ್ಳಿ ‘ಕಾಣಿಕ್ ದರ್ಬಾರ್ 2001’ ಸಂಗೀತ್ ಕಾರ್ಯಾವೆಳಿಂ ಮಾ. ದೊ. ಚಾರ್ಲ್ಸ್ ವಾಜ್ ಹಾಣೆ ಕೊರ್ಡೆಲ್ ಇಗರ್ಜೆ ಮಯ್ದಾನಾರ್ ಮೆಕ್ಳಿಕ್ ಕೆಲಿ. ಸಿಡಿ 2002 ಇಸ್ವೆಂತ್ ನಾಮ್ಣೆಚೊ ಸಾಹಿತಿ ಎಡ್ವಿನ್ ಜೆ. ಎಫ್. ಸೊಜ್ ಹಾಣೆಂ ತಾಕೊಡೆಂತ್ ಮೆಕ್ಳಿಕ್ ಕೆಲಿ.
.jpg)
